مش دماغى

أغسطس 2, 2012

مش طريقة تفكيرى اللى تخلينى اضيفك بحساب تانى عالفايس … كل الحكاية ان انا كنت فرحان جداً أن انا لقيتك أخيراً أن انا هقدر أطمن عليكى وأعرف أخبارك وده اللى خلانى اتصرف من غير تفكير … 
بعد ما عملتيلى ديليت انا حاولت اضيفك على طول بعدها بحسابين تانيين بس انتى ماوفقتيش وأحسن ان انتى ماوافقتيش لأن ده كان تصرف غلط منى … بس بعدها رجعت زي ما كنت وعرفت ان انا كنت غلط وماحولتش من ساعتها اضيفك تانى بأي حساب عندى وأكتفيت بأن انا ادخل كل يوم صفحتك اتمنى انك تكونى مجاوبة على سؤال او استفتاء عشان اطمن عليكى … يعنى أي حاجة تيجى من ريحة الحبايب 🙂 
انا بس كنت عايزك تعرفى ان انا لما اتصرفت كدة فى الاول كان بسبب الفرحة … زي ما تقولى كدة الفرحة طيرت عقلى 🙂 … وانا آسف فعلاً على التصرف ده … ربنا يطمنى عليكى ويجمعنا فى يوم فى بيت واحد عشان ماقلقش عليكى تانى.

لو كنت غالى عليكى

أغسطس 2, 2012

لو كنت غالى عليكى طمنينى عليكى … يرضيكى تزودى قلقى وخوفى فى بعدى عنك بسكاتك … بتعاقبينى عشان بقولك استنى 4 شهور … صدقينى ده مش غرور منى … ده خوف عليكى وخوف عليا … يمكن فى لحظة واحدة كل حاجة تضيع … ساعتها هكون عرفتك وهيبقى اصعب 100 مرة عليا ابعد ولو كنتى بتحبينى اكيد برده هيبقى البعد ساعتها اصعب … مش عايز اقولك بحبك وانا مش قد الكلمة دى … مش عايز اوعدك انى هحافظ عليكى وماوفيش بوعدى … فاضل 3 شهور ونص ويمكن قبل كدة كمان … وساعتها هقدر اقولك بحبك وانا عارف بكرة ممكن يحصل فيه ايه … انما دلوقتى لو قابلتك هتلاقينى انسان خايف من بكرة خايف ماتكونيش فيه خايف تكرهينى … انا بحبك بجد وعشان كدة اكتر حاجة كنت دايماً بخاف منها انك تكرهينى نفسى كلامى يوصلك صدقينى بحبك

تعالى نبعد بعيد

أبريل 7, 2012

عارفة انا نفسى فى ايه دلوقت ابعد انا وانتى من هنا

فى مكان بعيد نعيشوا فيه ويضمنا

نقضى كل يوم فى ففرح وننسى دايما اي جرح

نفسى نعيش نفسى اشوف فى عنيكى صورتى

نفسى فى بسمة بس منك تنهى حيرتى

عارفة الحياة وانت بعيد مالها ؟

مالهاش

وكأنى فى كون غير الكون مالوش ملامح 

مافيهوش حياة تتعاش

نفسى نلف كل الدنيا مانضيعش ولا ثانية

نفسى تكونى معايا تعيش الفرح ويايا

نفسى احس تانى الحياة جوايا

نفسى اسمع دق قلبك عشان احس ان روحى معايا

ابص فى عنيكى امسك ايديكى ونجرى بعيد

هيقولوا مجانين مايهمنيش طول ما الايد فى الايد

نفرح زي اطفال لسة جايبة هدوم العيد

نفسى اعيش الفرح معاكى

فرحى ويا الناس كلها مش سعيد 

فرح عامل زي نكتة قديمة بايخة 

عارفة حبيبتى … ايوة حبيبتى … انتى حبيبتى

عارفة نفسى قد ايه اشوفك؟

اشوف عيونك والمح رموشك

زعلانة منى … نفسى اصالحك

لو كنتى انتى اللى مزعلانى كنت هسامحك

عارفة ليه؟

عشان فى قلبى حبى ليكى عمره ما قل

لا عايزه ينقص ولا عايز اشوفه مشكلة لازمها حل

هفضل احبك مهما كان 

مهما فصل بينا المكان

مش واثقة فيا … مش عارفة قيمتك عندى قد ايه

لو مش بحبك كنت داريت ماكنتش قلت قلبى شايل ليكى ايه

عارفة انا نفسى دلوقتى فى ايه؟

اقول بحبك بعلو صوتى واسمعها منك كلمة بحبك

نفسى نكون مع بعض كون لوحدنا

ونسيبوا كل الناس تكون بعيد عننا

نفسى اعيش وياكى كل اللى باقى

اشوف عيونك كل ما اصحى جنبى 

احس انى اخيرا معايا قلبى ومعايا باقى

تعبنى السكوت

مارس 16, 2012

تعبت بجد مش قادر اخبى حزنى جوايا اكتر من كدة … مش متحمل ان اللى حواليا فاكرنى مبسوط فاكرنى نسيت … بس انا عمرى ما هنسا مش قادر انسى ومش عايز انسى … لو يحسوا بيا ماكنوش لامونى على بعدى عنهم … مش قادر اشوف اي حد لأنهم كلهم مستنيينى اضحك فى وشهم زي ما بعمل دايما … وانا مش هقدر اخبى ومش عايز حد يقولى مالك … ومش عايز حد يقولى انسى ولا عايز حد يقولى ده حلم … انا بجد تعبت اوى … ومش عارف اعمل ايه ….  مش حاسس بطعم اي حاجة فى الدنيا …. حاسس ان انا لوحدى فى مكان غريب 

نفسى اطمن

أكتوبر 7, 2011

نفسى اطمن انك ليا … خايف اوى اكون بحلم واصحى من حلمى على حقيقة نفسى ماتكونش حقيقة … خايف اوى انى اكون واقف فوق اعلى مكان فى الدنيا وفجأة ألاقى نفسى تحت تحت اوى تحت الارض … خايف اكون بحبك وانتى نستينى … خايف اكون خلاص خرجت من قلبك … صدقينى يوم ما بعدتك كان غظب عنى … يوم ما جرحتك كان غظب عنى … كان لازم تنسى وتعيشى حياتك … كان لازم تنسى ان فى انسان بيحبك … كان لازم تكرهينى … يارب ماكون ممثل كويس … يارب تكونى عرفتى انه كان من ورا قلبى … كان اصعب حاجة ممكن اعملها … واكتر حاجة هندم عليها طول حياتى لو ضعتى منى بسببها … بس كان لازم يحصل كدة … عشان انا مش انانى وعمرى ماكنت انانى … انا كان غظبن عنى بتشد ليكى ولما بحاول افوق من احلامى ببعد … بس كل ما ببعد برجع اقرب غظبن عنى … لما بشوفك عقلى بيروح مابيفضليش غير الجنون … بنسى نفسى وانسى كل اللى حواليا ومابشوفش غيرك … ببقى نفسى اقولك بحبك وعايز اقضى عمرى اللى جاي واللى فات كمان معاكى … ببقى نفسى احكيلك فى بعدك ببقى عامل ازاي … بس لما بفوق بقول لنفسى كان مالاول … جاي دلوقتى وعايز تقول قدامى سنين … بقول لنفسى لو قولت دلوقتى حاجة زي كدة اكيد هتكرهنى وهتسألنى ماقولتش مالاول ليه كدة بدل ما تضيعلى كل الوقت ده من حياتى لأنسان مايستاهلش لحظة من حياتى … كنت خايف اوى ماللى هتقوليه عشان كان ممكن يقتلنى … وكان هيضيع الامل الضعيف اوى اللى موجود ان الظروف تبقى احسن وآجى اقولك بحبك … من غير ما اقصد ضريتك … ضيعتلك وقتك ولعبت بمشاعرك وجرحتك … جرحتك انتى , الانسانة اللى انا مستعد اموت عشانها … بس انا كنت بحاول اعمل الصح كنت بحاول انهى القصة قبل ما تبتدى عشان الخساير تبقى قليلة وكل مرة انهيها فيها ارجع واضعف واقرب تانى غظبن عنى … انا آسف … بجد آسف … انا كل اللى كنت عايزه انك تكونى سعيدة بس انا كنت انانى اوى فى حبى ليكى … ضيعت وقتك وانا عارف ان الامل ضعيف اوى انى اكون معاكى … بس انا كنت عامل زي الغريق اللى متعلق بقشاية … كنت شايف نقظة الامل الصغيرة دى شمس كبيرة وكنت دايما بقول لنفسى يمكن … وفعلا يمكن بقت يمكن اوى ونقطة الامل قربت تبقى الشمس اللى كنت شايفها … بس انا دلوقتى خايف اكتر مالاول خايف بعد ما ظروفى تبقى احسن آجيلك واقولك بحبك سامحينى … تقوليلى راحت عليك … بجد هى دى اللى ممكن تموتنى … هموت مالحسرة على الحلم اللى كان على بعد خطوة منى وفجأة قلب بكابوس … انا بدعى ربنا فى كل صلاة بصليها انك تكونى من نصيبى وان ربنا يسعدك … بس دلوقتى انا هدعى ربنا يا رب يكون لسة ليا مكان فى قلبك … بحبك

لو دى الدنيا

سبتمبر 28, 2011

وحشانى اوى اوى … حاسس انى ضايع محتاج اشوفك ,محتاج ليكى جنبى ,تحضنى قلبى … تاخدى بأيدى وتعدينى طريق حزنى نفسى اوصل للنحية التانية ,نفسى اوصل معاكى للسعادة … وحشانى اوى … وحشانى عنيكى ,بموت كل يوم وانت بعيد … يمكن تكونى نستينى ,اكيد انتى نستينى … بس هعمل ايه غظبن عنى بشتاقلك ,غظبن عنى بحتاجلك … حاسس انى بموت مش قادر اعمل اي حاجة فى حياتى … كل ما آجى اعمل حاجة اشوفك كل ما انزل ادور عليكى كل ما افكر افكر فيكى … مش اوهام ,مش كلام وخلاص … انا عمرى ما حبيت حد كدة عمرى ما حسيت حد كدة … عمرى ما حسيت ان انا محتاج حد اوى كدة ولما بيكون بعيد ببقى مش انا ببقى حد تانى … حد مش عايز الدنيا مش عايز يعيش … حدشايف الدنيا ماتسواش حاجة وانتى بعيد عنه … عارفة ليه وحشانى اوى ,عشان بحبك اوى … ونفسى تكونى جنبى كل ثانية وكل لحظة من حياتى … نفسى ماتبعديش عنى ولا ابعد عنك … نفسى الحياة تفرج عنى وتسيبنى اروحلك … انا مش جبان ولا ضعيف ولا عاجز … انا بس حبيتك وبعدى عنك خوف عليكى … نفسى تكونى لسة حسانى زي ما انا حاسك ,نفسى تكونى بتحبينى زي ما بحبك … نفسى ماكنش بحلم حلم عمره ما هيبقى حقيقة … وحشانى اوى اوى اوى … ولو دى الدنيا من غيرك مش عايز اعيشها مش عايز اكون موجود فيها … دى دنيا حزينة متعبة … نفسى فى راحتى نفسى فى فرحى نفسى تكونى جنبى … بحبك

اصعب اللحظات

أغسطس 23, 2011

لقد تصورت دائما ان اصعب لحظاتى هى لحظات حرج … حينما يحرج شخص امام مجموعة كبيرة من الافراد وهى قد حدثت لى مرتان ظننت حينها ان هذه اللحظات ستلازمنى طوال حياتى, ولكننى نسيتها ولا اتذكرها بالمرة … ولكن اصعب اللحظات حقا هى تلك اللحظة التى مرت فيها بجوارى ولم انظر اليها او اعيرها انتباها بل تجاهلتها كما لو اننى لا اعلمها وكأنها شخص غريب علي … تلك حقا هى اصعب اللحظات حينما يضطر الانسان الى ان يمثل دور غير دوره ويقنع الاخرين بامور غير الحقيقة … حينما نكذب وخاصة على من نحب … تلك هى اصعب اللحظات حقا … اتذكرها جيدا … اتذكر اننى اجدت التمثيل حتى اقنعها انى لم اعد احبها انى قد نسيتها … وتفاديا لاي اخطاء وحتى لا تعود مرة اخرى فتجدنى غارق فى احزانى على ما حدث تماديت فى الامر وتفاديت كل خطأ ممكن … لتكون النهاية … وربما قد عادت ولم اراها ولكنها لم تكن سترى غير ضحكاتى الزائفة وابتساماتى بلا سبب … كل ما كانت ستراه هو سعادتى فى بعدها … تلك حقا هى اصعب اللحظات التى لا استطيع ان انساها وستصاحبنى طوال عمرى … فانا سأظل طوال عمرى احبها واتذكر كل لحظة كانت فيها.

لطالما علمت

مايو 13, 2011

كنت دائما اقول انها تحبنى كما احبها ولكنهم كانوا يقولون لى انى واهم … كنت دائما اقول انى متأكد انه سيأتى يوم نكون معا مهما بعد هذا اليوم وكانوا يقولون لى انى واهم … ولكننى اكيد اليوم انى لم اكن واهم , فهاهي الخطوات تسير مسرعة نحو قدر لطالما آمنت به لطالما عرفت انه آت لا محالة … لطالما عرفت ان طريقانا سيتقاطعان فى مكان ما … لطالما عرفت ان الحياة لا يمكن ان تكون بهذه القسوة … لطالما عرفت ان السعادة التى طالما انتظرتها موجودة فى مكان ما قريب ليس عنى بعيد … لطالما احببتها وذاك ما جعلنى أؤمن .

حينما اتذكر

فبراير 22, 2011

حينما اتذكر تلك الاوقات , تلك اللحظات والساعات , حينما اتذكر الاماكن والوجوه والاصوات , حينما تعلو فى رأسى الآهات وتطلق جفونى العنان للعبرات … حينما اتذكر عينيكى , شفتيكى , ابتسامتكى , ضحكتكى , حتى حينما اتذكر سكونك , شرود ذهنك , تلك النظرة التى يمكن ان تخضع لها القلوب بلا اعتراض بل برضى وأمل , حينم اتذكر تلك المعركة الاسطورية التى خاضها قلبى وعقلى فهزم كل منهما الآخر وكنت انا فى وسطها … حين سقطت جيوشهما واحتل مكانهما الحزن واليأس , حينما اتذكر كم ان الحياة قد قاتلتنى حتى قتلتنى … حين اتذكر كم اشتاق اليكى , الى نظرة منكى او اليكى , الى بسمة من بين شفتيكى , حين اتذكر حبى لكى … حين اتسائل هل احبتنى وهل مازالت وهل تعلم انى مازلت احبها , حينها احس برغبة عيني فى ان تطلقا انهارا من الدموع على ما خسرته رغم عنى , على ما فاتنى دون ارادتى دون موافقتى بل بكرهى له ان يفوتنى … حينها فقط اتذكر كم اننى ناقم على هذه الحياة كم اننى متمرد على هذه الظروف , واتذكر كم حاولت تغييرها غير انه سيكون ايسر لو حاولت تغيير اماكن الجبال …. احبها واتذكرها فى كل الاوقات واعلم مكانها واعلم زمان وجودها إلا اننى لا استطيع رؤيتها … وكأنه قد كتب علي انها لن تكون لى , فرؤيتها تعنى هزيمة اخرى لى وطلقة اخرى فى روح ميتة … رؤيتها تعنى أمل كاذب وحلم ضائع سيضيع مجددا … رؤيتها تعنى جرح آخر لها وسكين آخر فى قلبى اضعه حتى استطيع ان اجرحها … هل هذا منطقي ما يحدث , وما هو المنطق حتى اقتله كما قتلنى … واين هو المنطق حتى اغلبه كما غلبنى … لقد اعطتنى كثيرا وكثيرا من الفرص فهل كانت تستحق حقا كثيرا وكثيرا من الجراح , وهل كنت استحق ان ترانى كما ترانى , وهل انا خطأ أم انى على صواب … احبها هذا اكيد , تحبنى هذا احتمال لم ولن اؤكده يوما مادامت الدنيا هى لن تتغير يوما … وربما تغيرت الدنيا ربما اتت اخيرا نسمات الامل ربما قريبا تتحقق الاحلام … ربما وربما وربما ولكن كل ما اتمناه ان تتحق الاحلام قبل ان يفوت الوقت الذى يمكن ان تتحقق فيه اهمها …. احبها وكل ما حلمت به وتمنيته يوما ان تكون الى جوارى واكون الى جوارها

هل انا على صواب ام خطأ

فبراير 16, 2011

لا أعلم الاجابة على هذا التساؤل ولكن ما اعلمه انى لن افعل شيئا لا ارغب به …. فأنا حر ولا يمكن ان يكون لأحد وصاية على افعالى او افكارى …. هو فقط ما أؤمن انا به لا ما يؤمن به الآخرين ويريدون فرضه علي …. فى هذه الايام خصيصا لايمكن لأحد ان يقول لى ماذا تفعل فسأفعل ما أشاء وسأغير مجرى حياتى ليتناسب مع افكارى ومعتقداتى …. سابدأ بنفسى سأكون حرا دائما …